Доаѓа Ubuntu linux за Android

Изгледа дека идејата да се пренесе linux оперативниот систем на мобилен уред, смартфон, им е сè поинтересна на програмерите.

Па така програмерите од Canonical успееја на обичен смартфон со Android OS да инсталираат и Linux OS, односно познатиот Ubuntu, па сега телефонот работи со два оперативните системи (dual boot).

За некои ова може да звучи иронично, бидејќи самиот Android е всушност мобилна варијанта на Linux оперативен систем, но дечките од Canonical истакнуваат дека ова ќе им даде поголеми можности за експериментирање, а истовремено на располагање им се сите апликации за Android, контакт листи, па дури и Angry Birds.

Според тоа, кога на ваков смартфон би му приклучиле компјутерска тастатура и монитор, тој би можел слободно да се однесува како компјутер.

Овој пример ќе биде прикажан на престојниот саем во Барселона.