Папата Бенедикт порачува: исклучете мобилните и доста со Facebook

Папата Бенедикт 16 на своето годишно обраќање до своите свештеници им порача да преминат во тотална тишина, особено со мобилните телефони и социјалните мрежи.

 

Пред извесно време папата им порача на своите свештеници и колеги да ги користат сите средства за комуникација, вклучувајќи ги и социјалните мрежи, со цел подобро да се промовира христијанството. Но, сега се промени работата и тој смета дека „тишина може да биде значително силен начин на изразување“ и им прорача на своите следбеници да направат рамнотежа помеѓу социјалните медиуми и вознемирувачките слики и звуци.

 

Но, Папата не е првиот кој смета дека луѓето треба да „олабават“ од социјалните мрежи. Во недоамнешна книга, професорот од MIT, Шери Турк тврди дека постојаното висење на Facebook и Twitter и емалите, се модерна форма на лудило. Таа вели дека online интеракциите не прават помалку луѓе и не изолираат од интеракциите на реалниот свет.